chaman tum se ibarat hai bahaaren tum se zinda hain
tumhaare samne phulon se murjhaya nahin jata

Makhmoor Dehlvi

---

---

har ek dagh-e-tamanna ko kaleje se lagata hun
ki ghar aai hui daulat ko Thukraya nahin jata

Makhmoor Dehlvi

---

---

jinhen ab gardish-e-aflak paida kar nahin sakti
kuchh aisi hastiyan bhi dafn hain gor-e-ghariban mein

Makhmoor Dehlvi

---

---

kise apna banaen koi is qabil nahin milta
yahan patthar bahut milte hain lekin dil nahin milta

Makhmoor Dehlvi

---

---

mohabbat asl mein 'maKHmur' wo raaz-e-haqiqat hai
samajh mein aa gaya hai phir bhi samjhaya nahin jata

Makhmoor Dehlvi

---

---

mohabbat bad-guman ho jae to zinda nahin rahti
asar dil par tumhaari be-ruKHi se kuchh nahin hota

Makhmoor Dehlvi

---

---

mohabbat ho to jati hai mohabbat ki nahin jati
ye shoala KHud bhaDak uThta hai bhaDkaya nahin jata

Makhmoor Dehlvi

---

---

mohabbat ke liye kuchh KHas dil maKHsus hote hain
ye wo naghma hai jo har saz par gaya nahin jata

Makhmoor Dehlvi

---

---

muqim-e-dil hain wo arman jo pure nahin hote
ye wo aabaad ghar hai jis ki virani nahin jati

Makhmoor Dehlvi

---

---