aDe saliqe se duniya ne mere dil ko diye
wo ghao jin mein tha sachchaiyon ka charka bhi

Majeed Amjad

---

---

chandni mein saya-ha-e-kaKH-o-ku mein ghumiye
phir kisi ko chahne ki aarzu mein ghumiye

Majeed Amjad

---

---

hae wo zindagi fareb aankhen
tu ne kya socha main ne kya samjha

Majeed Amjad

---

---

har waqt fikr-e-marg-e-gharibana chahiye
sehhat ka ek pahlu marizana chahiye

Majeed Amjad

---

---

is jalti dhup mein ye ghane saya-dar peD
main apni zindagi unhen de dun jo ban paDe

Majeed Amjad

---

---

jab anjuman tawajjoh-e-sad-guftugu mein ho
meri taraf bhi ek nigah-e-kam-suKHan paDe

Majeed Amjad

---

---

kya rup dosti ka kya rang dushmani ka
koi nahin jahan mein koi nahin kisi ka

Majeed Amjad

---

---

main ek pal ke ranj-e-farawan mein kho gaya
murjha gae zamane mere intizar mein

Majeed Amjad

---

---

main roz idhar se guzarta hun kaun dekhta hai
main jab idhar se na guzrunga kaun dekhega

Majeed Amjad

---

---