aap ki meri kahani ek hai
kahiye ab main kya sunaun kya sunun

Maikash Akbarabadi

---

---

aiThe rahe wo KHun-e-tamanna kiye hue
dekha kiye unhen nigah-e-iltija se hum

Maikash Akbarabadi

---

---

charagh-e-kushta le kar hum teri mahfil mein kya aate
jo din the zindagi ke wo to raste mein guzar aae

Maikash Akbarabadi

---

---

hum ne lale ki tarah is daur mein
aankh kholi thi ki dekha dil ka KHun

Maikash Akbarabadi

---

---

kuchh is tarah teri ulfat mein kaT di main ne
gunahgar hua aur na pak-baz raha

Maikash Akbarabadi

---

---

mere fusun ne dikhai hai tere ruKH ki sahar
mere junun ne banai hai tere zulf ki sham

Maikash Akbarabadi

---

---

nahin hai dil ka sukun qismat-e-tamanna mein
tumhein bhi dil ki tamanna bana ke dekh liya

Maikash Akbarabadi

---

---

naza tak dil us ko dohraya kiya
ek tabassum mein wo kya kuchh kah gae

Maikash Akbarabadi

---

---

pahunch hi jaega ye hath teri zulfon tak
yunhi junun ka agar silsila daraaz raha

Maikash Akbarabadi

---

---