apne gird-o-pesh ka bhi kuchh pata rakh
dil ki duniya to magar sab se juda rakh

Kumar Pashi

---

---

dasht-e-junun ki KHak uDane walon ki himmat dekho
TuT chuke hain andar se lekin man-mani baqi hai

Kumar Pashi

---

---

hain sare inkishaf apne hain sare mumkinat apne
hum is duniya ka sara ilm le jaenge sath apne

Kumar Pashi

---

---

hui hain dair o haram mein ye sazishen kaisi
dhuan sa uThne laga shahr ke makanon se

Kumar Pashi

---

---

kabhi dikha de wo manzar jo main ne dekhe nahin
kabhi to nind mein ai KHwab ke farishte aa

Kumar Pashi

---

---

koi to DhunD ke mujh ko kahin se le aae
ki KHud ko dekha nahin hai bahut zamanon se

Kumar Pashi

---

---

kuchh ghazlen un zulfon par hain kuchh ghazlen un aankhon par
jaane wale dost ki ab ek yahi nishani baqi hai

Kumar Pashi

---

---

kyun logon se mehr-o-wafa ki aas lagae baiThe ho
jhuT ke is makruh nagar mein logon ka kirdar kahan

Kumar Pashi

---

---

meri dahliz par chupke se 'pashi'
ye kis ne rakh di meri lash la ka

Kumar Pashi

---

---