ai intizar-e-subh-e-tamanna ye kya hua
aata hai ab KHayal bhi tera thaka hua

Khurshid Ahmad Jami

---

---

aDe dilchasp wade the baDe rangin dhoke the
gulon ki aarzu mein zindagi shole uTha lai

Khurshid Ahmad Jami

---

---

chamakte KHwab milte hain mahakte pyar milte hain
tumhaare shahr mein kitne hasin aazar milte hain

Khurshid Ahmad Jami

---

---

jalao gham ke diye pyar ki nigahon mein
ki tirgi hai bahut zindagi ki rahon mein

Khurshid Ahmad Jami

---

---

koi halchal hai na aahaT na sada hai koi
dil ki dahliz pe chup-chap khaDa hai koi

Khurshid Ahmad Jami

---

---

kuchh dur aao maut ke hamrah bhi chalen
mumkin hai raste mein kahin zindagi mile

Khurshid Ahmad Jami

---

---

na intizar na aahen na bhigti raaten
KHabar na thi ki tujhe is tarah bhula dunga

Khurshid Ahmad Jami

---

---

pahchan bhi saki na meri zindagi mujhe
itni rawa-rawi mein kahin samna hua

Khurshid Ahmad Jami

---

---

sahar ke sath chale raushni ke sath chale
tamam umr kisi ajnabi ke sath chale

Khurshid Ahmad Jami

---

---