salam teri murawwat ko mehrbani ko
mila ek aur naya silsila kahani ko

Khurshid Ahmad Jami

---

---

teri nigah mudawa na ban saki jin ka
teri talash mein aise bhi zaKHm khae hain

Khurshid Ahmad Jami

---

---

wafa ki pyar ki gham ki kahaniyan likh kar
sahar ke hath mein dil ki kitab deta hun

Khurshid Ahmad Jami

---

---

yaad-e-mazi ki pur-asrar hasin galiyon mein
mere hamrah abhi ghum raha hai koi

Khurshid Ahmad Jami

---

---

yaadon ke daraKHton ki hasin chhanw mein jaise
aata hai koi shaKHs bahut dur se chal ke

Khurshid Ahmad Jami

---

---

zindagani ke hasin shahr mein aa kar 'jami'
zindagani se kahin hath milae bhi nahin

Khurshid Ahmad Jami

---

---