aaj nagah hum kisi se mile
baad muddat ke zindagi se mile

today I chanced on someone unexpectedly
it was after ages life was face to face with me

Khumar Barabankavi

---

---

ab in hudud mein laya hai intizar mujhe
wo aa bhi jaen to aae na aitabar mujhe

Khumar Barabankavi

---

---

aisa nahin ki un se mohabbat nahin rahi
jazbaat mein wo pahli si shiddat nahin rahi

Khumar Barabankavi

---

---

aql o dil apni apni kahen jab 'KHumar'
aql ki suniye dil ka kaha kijiye

Khumar Barabankavi

---

---

hule hain rafta rafta unhen muddaton mein hum
qiston mein KHud-kushi ka maza hum se puchhiye

Khumar Barabankavi

---

---

charaghon ke badle makan jal rahe hain
naya hai zamana nai raushni hai

Khumar Barabankavi

---

---

dushmanon se pasheman hona paDa hai
doston ka KHulus aazmane ke baad

Khumar Barabankavi

---

---

dushmanon se pyar hota jaega
doston ko aazmate jaiye

Khumar Barabankavi

---

---

dusron par agar tabsira kijiye
samne aaina rakh liya kijiye

Khumar Barabankavi

---

---