fan ka dawa hai to kuchh jurat-e-izhaar bhi ho
zeb deta nahin fankar ko buzdil hona

Khalid Yusuf

---

---

hum ne mana ki tere shahr mein sab achchha hai
koi isa ho to mil jaenge bimar bahut

Khalid Yusuf

---

---

use KHabar hai ki anjam-e-wasl kya hoga
wo qurbaton ki tapish fasle mein rakhti hai

Khalid Yusuf

---

---

ye adaen ye ishaare ye hasin qaul-o-qarar
kitne aadab ke parde mein hai inkar ki baat

Khalid Yusuf

---

---