ab ghar ke dariche mein aaegi hawa kaise
aage bhi plaza hai pichhe bhi plaza hai

Khalid Irfan

---

---

huk taKHliq ka talent baDha deti hai
peT KHali ho to hum sher naya kahte hain

Khalid Irfan

---

---

do chaar din se meri samaat block thi
tum ne ghazal paDhi to mera kan khul gaya

Khalid Irfan

---

---

jo lughat ko toD-maroD de jo ghazal ko nasr se joD de
main wo bad-mazaq-e-suKHan nahin wo jadidiya koi aur hai

Khalid Irfan

---

---

jo tum parfum mein Dupki laga kar roz aati ho
faza tum se moattar hai hawa mein kuchh nahin rakkha

Khalid Irfan

---

---

kaisa ajib aaya hai is sal ka bajaT
murghi ka jo bajaT hai wahi dal ka bajaT

Khalid Irfan

---

---

main ne bas itna hi likha i-lowe-you aur phir
us ne aage kar diya tha gal internet pa

Khalid Irfan

---

---

na hon paise to istiqbaaliyon se kuchh nahin hoga
kisi shaer ko KHali taliyon se kuchh nahin hoga

Khalid Irfan

---

---