adal liya hai zara KHwab ke ilaqe ko
makan ko chhoD ke ab la-makan mein rahta hun

Khaavar Ejaz

---

---

hath lagate hi miTTi ka Dher hue
kaise kaise rang bhare the KHwabon mein

Khaavar Ejaz

---

---

ek arse baad hui khul ke guftugu us se
ek arse baad wo kanTa chubha hua nikla

Khaavar Ejaz

---

---

jahan tum ho wahan se dur paDti hai zamin meri
jahan main hun wahan se aasman nazdik paDta hai

Khaavar Ejaz

---

---

mere aur us ke bich ek dhund si maujud rahti hai
ye duniya aa rahi hai mere us ke darmiyan shayad

Khaavar Ejaz

---

---

mere sehan par khula aasman rahe ki main
use dhup chhanw mein banTana nahin chahta

Khaavar Ejaz

---

---

mujhe is KHwab ne ek arse tak be-tab rakkha hai
ek unchi chhat hai aur chhat par koi mahtab rakkha hai

Khaavar Ejaz

---

---

suna rahi hai jise joD joD kar duniya
tamam TukDe hain wo meri dastan ke hi

Khaavar Ejaz

---

---

ufuq par Dubne wala sitara
kai imkan raushan kar gaya hai

Khaavar Ejaz

---

---