ab na wo ahbab zinda hain na rasm-ul-KHat wahan
ruTh kar urdu to dehli se dakan mein aa gai

Kavish Badri

---

---

az-sar-e-nau fikr ka aaghaz karna chahiye
be-par-o-baal sahi parwaz karna chahiye

Kavish Badri

---

---

ek bosa honT par phaila tabassum ban gaya
jo hararat thi meri us ke badan mein aa gai

Kavish Badri

---

---

ek manzar bhi na dekha gaya mujh se 'kawish'
sare aalam ko koi dekh raha hai mujh mein

Kavish Badri

---

---

jawab dene ki mohlat na mil saki hum ko
wo pal mein lakh sawalat kar ke jata hai

Kavish Badri

---

---

lafz ki buhtat itni naqd o fan mein aa gai
masKH ho kar surat-e-mani suKHan mein aa gai

Kavish Badri

---

---

mahaul sab ka ek hai aanhken wahi nazren wahi
sab se alag rahen meri sab se juda manzar mera

Kavish Badri

---

---

meri aawaz ko aawaz ne taqsim kiya
radio mein hun telephone ke andar hun main

Kavish Badri

---

---

sans lene bhi na paya tha ki manzar gum hua
main kisi qabil na tha warna Thaharta aur kuchh

Kavish Badri

---

---