chubh raha tha dil mein har dam kar raha tha be-qarar
ek aziyyat-nak pahlu jo meri rahat mein tha

Karamat Ali Karamat

---

---

gham-e-firaq ko sine se lag ke sone do
shab-e-tawil ki hogi sahar kabhi na kabhi

Karamat Ali Karamat

---

---

gham-e-hasti bhala kab mo'tabar ho
mohabbat mein na jab tak aankh tar ho

Karamat Ali Karamat

---

---

hamesha aag ke dariya mein ishq kyun utre
kabhi to husn ko gharq-e-azab hona tha

Karamat Ali Karamat

---

---

koi zamin hai to koi aasman hai
har shaKHs apni zat mein ek dastan hai

Karamat Ali Karamat

---

---

main lafz lafz mein tujh ko talash karta hun
sawal mein nahin aata na aa jawab mein aa

Karamat Ali Karamat

---

---

main shua-e-zat ke sine mein gunja hun kabhi
aur 'karamat' main kabhi lamhon ke KHwabon mein raha

Karamat Ali Karamat

---

---

manzil pe bhi pahunch ke mayassar nahin sakun
majbur is qadar hain shuur-e-safar se hum

Karamat Ali Karamat

---

---

patwar gir gai thi samundar ki god mein
dil ka safina phir bhi lahu ke safar mein tha

Karamat Ali Karamat

---

---