ab koi DhunD-DhanD ke lao naya wajud
insan to bulandi-e-insan se ghaT gaya

Kalidas Gupta Raza

---

---

azal se ta-ba-abad ek hi kahani hai
isi se hum ko nai dastan banani hai

Kalidas Gupta Raza

---

---

aat agar na karni thi kyun chaman mein aae the
rang kyun bikhera tha phul kyun khilae the

Kalidas Gupta Raza

---

---

ahaar aai gulon ko hansi nahin aai
kahin se bu teri guftar ki nahin aai

Kalidas Gupta Raza

---

---

chaman ka husn samajh kar sameT lae the
kise KHabar thi ki har phul KHar niklega

Kalidas Gupta Raza

---

---

duniya to sidhi hai lekin duniya wale
jhuTi sachchi kah ke use bahkate honge

Kalidas Gupta Raza

---

---

hum na manenge KHamoshi hai tamanna ka mizaj
han bhari bazm mein wo bol na pai hogi

Kalidas Gupta Raza

---

---

hayat lakh ho fani magar ye sun rakhiye
hayat se jo hai maqsud ghair-fani hai

Kalidas Gupta Raza

---

---

jab fikron par baadal se manDlate honge
insan ghaT kar sae se rah jate honge

Kalidas Gupta Raza

---

---