apna KHat aap diya un ko magar ye kah kar
KHat to pahchaniye ye KHat mujhe gumnam mila

Kaifi Hyderabadi

---

---

aur bhi to hain zamane mein tumhaare aashiq
ek main hi tumhein kya qabil-e-ilzam mila

Kaifi Hyderabadi

---

---

dil lene ke andaz bhi kuchh sikh gaya hun
sohbat mein hasinon ki bahut roz raha hun

Kaifi Hyderabadi

---

---

hum aap ko dekhte the pahle
ab aap ki rah dekhte hain

Kaifi Hyderabadi

---

---

har taur har tarah ki jo zillat mujhi ko hai
duniya mein kya kisi se mohabbat mujhi ko hai

Kaifi Hyderabadi

---

---

KHam subu saghar surahi jam paimana mera
mere saqi jab mera tu hai to mai-KHana mera

Kaifi Hyderabadi

---

---

maza hai tere bismilon ko taDap mein
taDap mein nahin bismilon mein maza hai

Kaifi Hyderabadi

---

---

mohabbat mein kya kya na kuchh jaur hoga
abhi kya hua hai abhi aur hoga

Kaifi Hyderabadi

---

---

aqib donon jahan mein zalil kyun hota
kisi ke bich mein kam-baKHt agar nahin aata

Kaifi Hyderabadi

---

---