ajnabi bud-o-bash ke qurb-o-jawar mein mila
bichhDa to wo mujhe kisi aur dayar mein mila

Javed Shaheen

---

---

Dubne wala tha din sham thi hone wali
yun laga meri koi chiz thi khone wali

Javed Shaheen

---

---

hisab-e-dostan karne hi se malum ye hoga
KHasare mein hun ya ab main KHasare se nikal aaya

Javed Shaheen

---

---

jama karti hai mujhe raat bahut mushkil se
subh ko ghar se nikalte hi bikharne ke liye

Javed Shaheen

---

---

juda thi baam se diwar dar akela tha
makin the KHud mein magan aur ghar akela tha

Javed Shaheen

---

---

kahin sada-e-jaras hai na gard-e-rah-e-safar
Thahar gaya hai kahan qafila tamanna ka

Javed Shaheen

---

---

KHata kis ki hai tum hi waqt se bahar rahe 'shahin'
tumhein aawaz dene ek lamha dur tak aaya

Javed Shaheen

---

---

KHud bana leta hun main apni udasi ka sabab
DhunD hi leti hai 'shahin' mujh ko virani meri

Javed Shaheen

---

---

kis tarah be-mauj aur KHali rawani se hua
be-KHabar dariya kahan par apne pani se hua

Javed Shaheen

---

---