aahaT bhi agar ki to tah-e-zat nahin ki
lafzon ne kai din se koi baat nahin ki

Javed Nasir

---

---

ahut udas tha us din magar hua kya tha
har ek baat bhali thi to phir bura kya tha

Javed Nasir

---

---

dasht ki dhup hai jangal ki ghani raaten hain
is kahani mein bahr haal kai baaten hain

Javed Nasir

---

---

dosto tum se guzarish hai yahan mat aao
is baDe shahr mein tanhai bhi mar jati hai

Javed Nasir

---

---

ghaDi jo bit gai us ka bhi shumar kiya
nisab-e-jaan mein teri KHamushi bhi shamil ki

Javed Nasir

---

---

jumbish-e-mehr hai har lafz teri baaton ka
rang uDta nahin aankhon se mulaqaton ka

Javed Nasir

---

---

KHuda aabaad rakkhe zindagi ko
hamari KHamushi ko sah gai hai

Javed Nasir

---

---

khulti hain aasman mein samundar ki khiDkiyan
be-din raston pe kahin apna ghar to hai

Javed Nasir

---

---

kin kin ki aatmaen pahaDon mein qaid hain
aawaz do to bajte hain patthar ke daf yahan

Javed Nasir

---

---