ajib KHauf ka mausam hai in dinon 'imrran'
sugandh le ke hawa dur tak nahin jati

Imran-ul-haq Chauhan

---

---

apne lahu mein zahr bhi KHud gholta hun main
soz-e-darun kisi pe nahin kholta hun main

Imran-ul-haq Chauhan

---

---

haar hi jit hai aain-e-wafa ki ru se
ye wo bazi hai jahan jit ke haare sare

Imran-ul-haq Chauhan

---

---

KHwab, ummid, tamannaen, talluq, rishte
jaan le lete hain aaKHir ye sahaare sare

Imran-ul-haq Chauhan

---

---

kya jaane shaKH-e-waqt se kis waqt gir paDun
manind-e-barg-e-zard abhi Dolta hun main

Imran-ul-haq Chauhan

---

---

ang ho raushni ho ya KHushbu
sab mein partaw usi hasin ke hain

Imran-ul-haq Chauhan

---

---

waqt har zaKHm ko bhar deta hai kuchh bhi kije
yaad rah jati hai halki si chubhan ki had tak

Imran-ul-haq Chauhan

---

---