afsurdagi bhi husn hai tabindagi bhi husn
hum ko KHizan ne tum ko sanwara bahaar ne

Ijtiba Rizvi

---

---

churane ko chura laya main jalwe ru-e-raushan se
magar ab bijliyan lipTi hui hain dil ke daman se

Ijtiba Rizvi

---

---

KHirad ko KHana-e-dil ka nigah-ban kar diya hum ne
ye ghar aabaad hota is ko viran kar diya hum ne

Ijtiba Rizvi

---

---

mere saz-e-nafas ki KHamushi par ruh kahti hai
na aai mujh ko nind aur so gaya afsana-KHwan mera

Ijtiba Rizvi

---

---

zaban se dil ka fasana ada kiya na gaya
ye tarjuman to bani thi magar bana na gaya

Ijtiba Rizvi

---

---