aaj to jaise din ke sath dil bhi ghurub ho gaya
sham ki chae bhi gai maut ke Dar ke sath sath

Idris Babar

---

---

dard ka dil ka sham ka bazm ka mai ka jam ka
rang badal badal gaya ek nazar ke sath sath

Idris Babar

---

---

dhul uDti hai to yaad aata hai kuchh
milta-julta tha libaada mera

Idris Babar

---

---

dil ki ek ek KHarabi ka sabab jaante hain
phir bhi mumkin hai ki hum tum se murawwat kar jaen

Idris Babar

---

---

han ai ghubar-e-ashna main bhi tha ham-safar tera
pi gain manzilen tujhe kha gae raste mujhe

Idris Babar

---

---

hath duniya ka bhi hai dil ki KHarabi mein bahut
phir bhi ai dost teri ek nazar se kam hai

Idris Babar

---

---

ek diya dil ki raushni ka safir
ho mayassar to raat bhi din hai

Idris Babar

---

---

ek KHauf-zada sa shaKHs ghar tak
pahuncha kai raston mein baT ka

Idris Babar

---

---

is andhere mein jab koi bhi na tha
mujh se gum ho gaya KHuda mujh mein

Idris Babar

---

---