ajab mazaq us ka tha ki sar se panw tak mujhe
wafaon se bhigo diya nadamaton ki soch mein

Humaira Rahman

---

---

guzashta mausamon mein bujh gae hain rang phulon ke
daricha ab bhi mera raushni ke zawiyon par hai

Humaira Rahman

---

---

hum aur tum jo badal gae to itni hairat kya
aks badalte rahte hain aainon ki KHati

Humaira Rahman

---

---

hawa ki tez-gamiyon ka inkishaf kya karen
jo dosh par liye ho us ke bar-KHilaf kya karen

Humaira Rahman

---

---

kankar phenk rahe hain ye andaza karne ko
Thahra pani kitni 'humaira' halchal rakhta hai

Humaira Rahman

---

---

logo! hum pardesi ho kar jaane kya kya kho baiThe
apne kuche bhi lagte hain begane begane se

Humaira Rahman

---

---

meri almariyon mein qimti saman kafi tha
magar achchha laga us se kai farmaishen karna

Humaira Rahman

---

---

aushan-dan se dhup ka TukDa aa kar mere pas gira
aur phir suraj ne koshish ki mujh se aankh milane ki

Humaira Rahman

---

---

wo lamha jab mere bachche ne man pukara mujhe
main ek shaKH se kitna ghana daraKHt hui

Humaira Rahman

---

---