aai kya ji mein tegh-e-qatil ke
ki juda ho gai gale mil ke

Hasan Barelvi

---

---

aap ki zid ne mujhe aur pilai hazrat
shaiKH-ji itni nasihat bhi buri hoti hai

Hasan Barelvi

---

---

abr hai gulzar hai mai hai KHushi ka daur hai
aaj to Dube hue dil ko uchhalne dijiye

Hasan Barelvi

---

---

ole wo bosa-ha-e-paiham par
are kam-baKHt kuchh hisab bhi hai

Hasan Barelvi

---

---

choT jab dil par lage fariyaad paida kyun na ho
ai sitam-ara jo aisa ho to aisa kyun na ho

Hasan Barelvi

---

---

dekh aao mariz-e-furqat ko
rasm-e-duniya bhi hai sawab bhi hai

Hasan Barelvi

---

---

dil ko jaanan se 'hasan' samjha-bujha ke lae the
dil hamein samjha-bujha kar su-e-jaanan le chala

Hasan Barelvi

---

---

ek kah kar jis ne sunni ho hazaron baaten
wo kahe un se mujhe aap se kuchh kahna hai

Hasan Barelvi

---

---

gulshan-e-KHuld ki kya baat hai kya kahna hai
par hamein tere hi kuche mein paDa rahna hai

Hasan Barelvi

---

---