agar teri KHushi hai tere bandon ki masarrat mein
to ai mere KHuda teri KHushi se kuchh nahin hota

Hari Chand Akhtar

---

---

harosa kis qadar hai tujh ko 'aKHtar' us ki rahmat par
agar wo shaiKH-sahib ka KHuda nikla to kya hoga

Hari Chand Akhtar

---

---

han wo din yaad hain jab hum bhi kaha karte the
ishq kya chiz hai is ishq mein kya hota hai

Hari Chand Akhtar

---

---

hamein bhi aa paDa hai doston se kaam kuchh yani
hamare doston ke bewafa hone ka waqt aaya

I need a favour from my friends so now
the time has come for them to disavow

Hari Chand Akhtar

---

---

jama hain sare musafir na-KHuda-e-dil ke pas
kashti-e-hasti nazar aati hai ab sahil ke pas

Hari Chand Akhtar

---

---

jinhen hasil hai tera qurb KHush-qismat sahi lekin
teri hasrat liye mar jaane wale aur hote hain

Hari Chand Akhtar

---

---

jo Thokar hi nahin khate wo sab kuchh hain magar waiz
wo jin ko dast-e-rahmat KHud sambhaale aur hote hain

Hari Chand Akhtar

---

---

milegi shaiKH ko jannat, hamein dozaKH ata hoga
bas itni baat hai jis baat par mahshar bapa hoga

the priest to paradise, and I to hell arraigned
will, on such a trifle, be judgement day ordained?

Hari Chand Akhtar

---

---

mujh ko dekha phuT ke roya
ab samjha samjhane wala

Hari Chand Akhtar

---

---