nematon ko dekhta hai aur hans deta hai dil
mahw-e-hairat hun ki aaKHir kya hai mere dil ke pas

Hari Chand Akhtar

---

---

ahe do do farishte sath ab insaf kya hoga
kisi ne kuchh likha hoga kisi ne kuchh likha hoga

Hari Chand Akhtar

---

---

shabab aaya kisi but par fida hone ka waqt aaya
meri duniya mein bande ke KHuda hone ka waqt aaya

Hari Chand Akhtar

---

---

shaiKH o panDit dharm aur islam ki baaten karen
kuchh KHuda ke qahr kuchh inam ki baaten karen

Hari Chand Akhtar

---

---

unhen dekha to zahid ne kaha iman ki ye hai
ki ab insan ko sajda rawa hone ka waqt aaya

Hari Chand Akhtar

---

---

yahi hota hai ki tadbir ko nakaam kare
aur farmaiye taqdir se kya hota hai

Hari Chand Akhtar

---

---