ana ana ke muqabil hai rah kaise khule
talluqat mein hail hai baat ki diwa

Haneef Kaifi

---

---

apne kandhon pe liye phirta hun apni hi salib
KHud meri maut ka matam hai mere jine mein

Haneef Kaifi

---

---

apni jaanib nahin ab lauTna mumkin mera
Dhal gaya hun main sarapa tere aaine mein

Haneef Kaifi

---

---

koi bhi rut ho mili hai dukhon ki fasl hamein
jo mausam aaya hai us ke itab dekhe hain

Haneef Kaifi

---

---

mile wo lamha jise apna kah saken 'kaifi'
guzar rahe hain isi justuju mein mah-o-sal

Haneef Kaifi

---

---

muddaten guzrin mulaqat hui thi tum se
phir koi aur na aaya nazar aaine mein

Haneef Kaifi

---

---

sab nazar aate hain chehre gard gard
kya hue be-ab aaine tamam

Haneef Kaifi

---

---

shab-e-daraaz ka hai qissa muKHtasar 'kaifi'
hui sahar ke ujalon mein gum charagh ki lau

Haneef Kaifi

---

---

tamam aalam se moD kar munh main apne andar sama gaya hun
mujhe na aawaz de zamane main apni aawaz sun raha hun

Haneef Kaifi

---

---