aaj ka KHat hi use bheja hai kora lekin
aaj ka KHat hi adhura nahin likhkha main ne

Hamid Mukhtar Hamid

---

---

gir na jae tere meyar se andaz-e-huruf
yun kabhi nam bhi tera nahin likhkha main ne

Hamid Mukhtar Hamid

---

---

maqam-e-zabt gham-e-ishq mein wo paida kar
ki tu KHushi ko na tarse tujhe KHushi tarse

Hamid Mukhtar Hamid

---

---

mujh se ye pyas ka sahra nahin dekha jata
roz ab KHwab mein dariya nahin dekha jata

Hamid Mukhtar Hamid

---

---

tu hansi le ke meri aankh ko aansu de de
mujh se sukha hua dariya nahin dekha jata

Hamid Mukhtar Hamid

---

---

umr hi teri guzar jaegi un ke hal mein
tera bachcha jo sawalat liye baiTha hai

Hamid Mukhtar Hamid

---

---

ye buzurgon ki rawa-dari ke pazh-murda gulab
aabiyari chahte hain in mein chingari na rakh

Hamid Mukhtar Hamid

---

---

ye jafaon ki saza hai ki tamashai hai tu
ye wafaon ki saza hai ki pae-dar hun main

Hamid Mukhtar Hamid

---

---