aap kya aae ki ruKHsat sab andhere ho gae
is qadar ghar mein kabhi bhi raushni dekhi na thi

Hakeem Nasir

---

---

aasan kis qadar hai samajh lo mera pata
basti ke baad pahla jo virana aaega

Hakeem Nasir

---

---

do ghaDi dard ne aankhon mein bhi rahne na diya
hum to samjhe the banenge ye sahaare aansu

Hakeem Nasir

---

---

ghar mein jo ek charagh tha tum ne use bujha diya
koi kabhi charagh hum ghar mein na phir jala sake

Hakeem Nasir

---

---

jab se tu ne mujhe diwana bana rakkha hai
sang har shaKHs ne hathon mein uTha rakkha hai

Hakeem Nasir

---

---

jis ne bhi mujhe dekha hai patthar se nawaza
wo kaun hain phulon ke jinhen haar mile hain

Hakeem Nasir

---

---

mai-kashi gardish-e-ayyam se aage na baDhi
meri madhoshi mere jam se aage na baDhi

Hakeem Nasir

---

---

pattharo aaj mere sar pe baraste kyun ho
main ne tum ko bhi kabhi apna KHuda rakkha hai

Hakeem Nasir

---

---

tumhaare baad ujale bhi ho gae ruKHsat
hamare shahr ka manzar bhi ganw jaisa hai

Hakeem Nasir

---

---