us ke dil par bhi kaDi ishq mein guzri hogi
nam jis ne bhi mohabbat ka saza rakkha hai

Hakeem Nasir

---

---

wo jo kahta tha ki 'nasir' ke liye jita hun
us ka kya jaaniye kya haal hua mere baad

Hakeem Nasir

---

---

wo mujhe chhoD ke ek sham gae the 'nasir'
zindagi apni usi sham se aage na baDhi

Hakeem Nasir

---

---

ye dard hai hamdam usi zalim ki nishani
de mujh ko dawa aisi ki aaram na aae

Hakeem Nasir

---

---

ye tamasha bhi ajab hai un ke uTh jaane ke baad
main ne din mein is se pahle tirgi dekhi na thi

Hakeem Nasir

---

---