gharibi amiri hai qismat ka sauda
milo aadmi ki tarah aadmi se

Hairat Gondvi

---

---

gulon se nahin shaKH ke dil se puchho
ki ye bad-numa KHar kitna hasin hai

Hairat Gondvi

---

---

hans hans ke apna daman-e-rangin diya mujhe
aur main ne tar tar kiya hae kya kiya

Hairat Gondvi

---

---

husn hai kafir banane ke liye
ishq hai iman lane ke liye

Hairat Gondvi

---

---

kuchh meri be-qarariyan kuchh meri na-tawaniyan
kuchh teri rahmaton ka hai hath mere gunah mein

Hairat Gondvi

---

---

mujhe ai rahnuma ab chhoD tanha
main KHud ko aazmana chahta hun

Hairat Gondvi

---

---

ah rah ke kaundti hain andhere mein bijliyan
tum yaad kar rahe ho ki yaad aa rahe ho tum

Hairat Gondvi

---

---