aasan nahin marhala-e-tark-e-wafa bhi
muddat hui hum is ko bhulane mein lage hain

Hafeez Banarasi

---

---

chale chaliye ki chalna hi dalil-e-kaamrani hai
jo thak kar baiTh jate hain wo manzil pa nahin sakte

Hafeez Banarasi

---

---

dushmanon ki jafa ka KHauf nahin
doston ki wafa se Darte hain

I do nor fear injury from my enemies
what frightens me is my friend's fidelities

Hafeez Banarasi

---

---

ek sita ki rifaqat hai to sab kuchh pas hai
zindagi kahte hain jis ko ram ka ban-bas hai

Hafeez Banarasi

---

---

gumshudgi hi asl mein yaro rah-numai karti hai
rah dikhane wale pahle barson rah bhaTakte hain

Hafeez Banarasi

---

---

har haqiqat hai ek husn 'hafiz'
aur har husn ek haqiqat hai

Hafeez Banarasi

---

---

hisar-e-zat ke diwar-o-dar mein qaid rahe
tamam umr hum apne hi ghar mein qaid rahe

Hafeez Banarasi

---

---

ek husn-e-tasawwur hai jo zist ka sathi hai
wo koi bhi manzil ho hum log nahin tanha

Hafeez Banarasi

---

---

ishq mein marka-e-qalb-o-nazar kya kahiye
choT lagti hai kahin dard kahin hota hai

Hafeez Banarasi

---

---