ab shikwa-e-sang-o-KHisht kaisa
jab teri gali mein aa gaya hun

Gopal Mittal

---

---

farq ye hai nutq ke sanche mein Dhal sakta nahin
warna jo aansu hai durr-e-shah-war-e-naghma hai

Gopal Mittal

---

---

fitrat mein aadmi ki hai mubham sa ek KHauf
us KHauf ka kisi ne KHuda nam rakh diya

Gopal Mittal

---

---

KHuda gawah ki donon hain dushman-e-parwaz
gham-e-qafas ho ki rahat ho aashiyane ki

Gopal Mittal

---

---

kya kijiye kashish hai kuchh aisi gunah mein
main warna yun fareb mein aata bahaar ke

Gopal Mittal

---

---

mera saqi hai baDa dariya-dil
phir bhi pyasa hun ki sahra hun main

Gopal Mittal

---

---

mujhe zindagi ki dua dene wale
hansi aa rahi hai teri sadgi pa

Gopal Mittal

---

---

phir ek shola-e-pur-pech-o-tab bhaDkega
ki chand tinkon ko tartib de raha hun main

Gopal Mittal

---

---

tark-e-talluqat KHud apna qusur tha
ab kya gila ki un ko hamari KHabar nahin

Gopal Mittal

---

---