aadab-e-ashiqi se to hum be-KHabar na the
diwane the zarur magar is qadar na the

Figar Unnavi

---

---

ajib kashmakash hai kaise harf-e-muddaa kahun
wo puchhte hain haal-e-dil main sochta hun kya kahun

Figar Unnavi

---

---

a-qadr-e-zauq mere ashk-e-gham ki tarjumani hai
koi kahta hai moti hai koi kahta hai pani hai

Figar Unnavi

---

---

chhup gaya din qadam baDha rahi
dur manzil hai muft raat na ka

Figar Unnavi

---

---

diwane ko majaz-o-haqiqat se kya gharaz
dair-o-haram mile na mile tera dar mile

Figar Unnavi

---

---

dil choT sahe aur uf na kare ye zabt ki manzil hai lekin
saghar TuTe aawaz na ho aisa to bahut kam hota hai

Figar Unnavi

---

---

dil hai mera rangini-e-aghaz pe mail
nazron mein abhi jam hai anjam nahin hai

Figar Unnavi

---

---

dil ki buniyaad pe tamir kar aiwan-e-hayat
qasr-e-shahi to zara der mein Dah jate hain

Figar Unnavi

---

---

dil mera shaki-e-jafa na hua
ye wafadar bewafa na hua

Figar Unnavi

---

---