ain mumkin hai use mujh se mohabbat hi na ho
dil bahar-taur use apna banana chahe

Fariha Naqvi

---

---

hali kyun lage hum ko KHushiyon ki dastak
abhi hum mohabbat ka gham kar rahe hain

Fariha Naqvi

---

---

de rahe hain log mere dil pe dastak bar bar
dil magar ye kah raha hai sirf tu aur sirf tu

Fariha Naqvi

---

---

hum aaj qaus-e-quzah ke manind ek duje pe khil rahe hain
mujhe to pahle se lag raha tha ye aasmanon ka silsila hai

Fariha Naqvi

---

---

hatheli se ThanDa dhuan uTh raha hai
yahi KHwab har martaba dekhti hun

Fariha Naqvi

---

---

khul kar aaKHir jahl ka elan hona chahiye
haq-paraston ke liye zindan hona chahiye

Fariha Naqvi

---

---

kis kis phul ki shadabi ko masKH karoge bolo!!!
ye to us ki den hai jis ko chahe wo mahkae

Fariha Naqvi

---

---

laDkhaDana nahin mujhe phir bhi
tum mera hath tham kar rakhna

Fariha Naqvi

---

---

mere hijr ke faisle se Daro tum
main KHud mein ajab hausla dekhti hun

Fariha Naqvi

---

---