DhunDenge har ek chiz mein jine ki umangen
dil ki kisi KHwahish ko bhi marenge nahin hum

Farhat Nadeem Humayun

---

---

dil aisa makan hai jo agar TuT gaya to
lag jaengi sadiyan nai tamir mein likh de

Farhat Nadeem Humayun

---

---

mera har KHwab to bas KHwab hi jaisa nikla
kya kisi KHwab ki tabir bhi ho sakti hai

Farhat Nadeem Humayun

---

---

milna hai agar KHud se to phir der na karna
kho jaane ka Dar hota hai taKHir mein likh de

Farhat Nadeem Humayun

---

---

nahin hoti hai rah-e-ishq mein aasan manzil
safar mein bhi to sadiyon ki masafat chahiye hai

Farhat Nadeem Humayun

---

---

tera didar ho aankhen kisi bhi samt dekhen
so har chehre mein ab teri shabahat chahiye hai

Farhat Nadeem Humayun

---

---

ye kyun kahte ho rah-e-ishq par chalna hai hum ko
kaho ki zindagi se ab faraghat chahiye hai

Farhat Nadeem Humayun

---

---