tamam umr hawa ki tarah guzari hai
agar hue bhi kahin to kabhu kabhu hue hum

Faheem Shanas Kazmi

---

---

zindagi ab tu mujhe aur khilaune la de
aaise KHwabon se to main dil nahin bahla sakta

Faheem Shanas Kazmi

---

---

zamin par na rahe aasman ko chhoD diya
tumhaare baad zaman o makan ko chhoD diya

Faheem Shanas Kazmi

---

---

yun jagmaga uTha hai teri yaad se wajud
jaise lahu se koi sitara guzar gaya

Faheem Shanas Kazmi

---

---

wo jis ke hath se taqrib-e-dil-numai thi
abhi wo lamha-e-maujud mein nahin aaya

Faheem Shanas Kazmi

---

---

usi ne chand ke pahlu mein ek charagh rakha
usi ne dasht ke zarron ko aaftab kiya

Faheem Shanas Kazmi

---

---

us ke labon ki guftugu karte rahe subu subu
yani suKHan hue tamam yani kalam ho chuka

Faheem Shanas Kazmi

---

---

tumhaari yaad nikalti nahin mere dil se
nasha chhalakta nahin hai sharab se baha

Faheem Shanas Kazmi

---

---

teri gali ke moD pe pahunche the jald hum
par tere ghar ko aate hue der ho gai

Faheem Shanas Kazmi

---

---