farishta hai to taqaddus tujhe mubarak ho
hum aadmi hain to aib-o-hunar bhi rakhte hain

Dil Ayubi

---

---

is shahr mein to kuchh nahin ruswai ke siwa
ai 'dil' ye ishq le ke kidhar aa gaya tujhe

Dil Ayubi

---

---

kahan main abhi tak nazar aa saka hun
KHuda jaane kitni tahon mein chhupa hun

Dil Ayubi

---

---

lamha lamha mujhe viran kiye deta hai
bas gaya mere tasawwur mein ye chehra kis ka

Dil Ayubi

---

---

na gird-o-pesh se is darja be-niyaz guzar
jo be-KHabar se hain sab ki KHabar bhi rakhte hain

Dil Ayubi

---

---

phir marhala-e-KHwab-e-bahaaran se guzar ja
mausam hai suhana to gareban se guzar ja

Dil Ayubi

---

---

ye dilchasp wade ye rangin dilase
ajab sazishen hain kahan aa gaya hun

Dil Ayubi

---

---

ye rah-e-ishq hai aaKHir koi mazaq nahin
saubaton se jo ghabra gae hon ghar jaen

Dil Ayubi

---

---