apni diwaron se kuchh bahar nikal
sirf KHali ghar ke baam-o-dar na dekh

Chandrabhan Khayal

---

---

hamare ghar ke aangan mein sitare bujh gae lakhon
hamari KHwab gahon mein na chamka subh ka suraj

Chandrabhan Khayal

---

---

insan ki duniya mein insan hai pareshan kyun
machhli to nahin hoti bechain kabhi jal mein

Chandrabhan Khayal

---

---

kar gaya suraj sabhi ko be-libas
ab koi saya koi paikar na dekh

Chandrabhan Khayal

---

---

kaun dahshat-gard hai aur kaun hai dahshat-zada
ye sab ek ibham-e-paiham ke siwa kuchh bhi nahin

Chandrabhan Khayal

---

---

koi dana koi diwana mila
shahar mein har shaKHs begana mila

Chandrabhan Khayal

---

---

kya usi ka nam hai ranai-e-bazm-e-hayat
tang kamra sard bistar aur tanha aadmi

Chandrabhan Khayal

---

---

le gaya wo chhin kar meri jawani
us pe bas yunhi jhapaT kar rah gaya main

Chandrabhan Khayal

---

---

log manzil ki taraf lapke hain lekin
bhiD mein ghaflat bhi shamil ho gai hai

Chandrabhan Khayal

---

---