do din mein ho gaya hai ye aalam ki jis tarah
tere hi iKHtiyar mein hain umr bhar se hum

Bismil Saeedi

---

---

dohrai ja sakegi na ab dastan-e-ishq
kuchh wo kahin se bhul gae hain kahin se hum

Bismil Saeedi

---

---

husn bhi kambaKHt kab KHali hai soz-e-ishq se
shama bhi to raat bhar jalti hai parwane ke sath

when is poor beauty saved from the
along with the moths all night the flame did surely burn

Bismil Saeedi

---

---

idhar udhar meri aankhen tujhe pukarti hain
meri nigah nahin hai zaban hai goya

Bismil Saeedi

---

---

ishq bhi hai kis qadar bar-KHud-ghalat
un ki bazm-e-naz aur KHuddariyan

Bismil Saeedi

---

---

kabe mein musalman ko kah dete hain kafir
but-KHane mein kafir ko bhi kafar nahin kahte

Bismil Saeedi

---

---

KHushbu ko phailne ka bahut shauq hai magar
mumkin nahin hawaon se rishta kiye baghair

tho fragrance is very fond, to spread around, increase
this is nigh impossible, till it befriends the breeze

Bismil Saeedi

---

---

kisi ke sitam is qadar yaad aae
zaban thak gai mehrban kahte kahte

Bismil Saeedi

---

---

kiya tabah to dilli ne bhi bahut 'bismil'
magar KHuda ki qasam lucknow ne luT liya

Bismil Saeedi

---

---