tum sun ke kya karoge kahani gharib ki
jo sab ki sun raha hai kahenge usi se hum

Bismil Azimabadi

---

---

kya karen jam-o-subu hath pakaD lete hain
ji to kahta hai ki uTh jaiye mai-KHane se

Bismil Azimabadi

---

---

majburiyon ko apni kahen kya kisi se hum
lae gae hain, aae nahin hain KHushi se hum

Bismil Azimabadi

---

---

na apne zabt ko ruswa karo sata ke mujhe
KHuda ke waste dekho na muskura ke mujhe

Bismil Azimabadi

---

---

ahraw-e-rah-e-mohabbat rah na jaana rah mein
lazzat-e-sahra-nawardi duri-e-manzil mein hai

Bismil Azimabadi

---

---

sauda wo kya karega KHaridar dekh kar
ghabra gaya jo garmi-e-bazar dekh ka

Bismil Azimabadi

---

---

waqt aane de dikha denge tujhe ai aasman
hum abhi se kyun bataen kya hamare dil mein hai

Bismil Azimabadi

---

---

ye zindagi bhi koi zindagi hui 'bismil'
na ro sake na kabhi hans sake Thikane se

Bismil Azimabadi

---

---

ye kah ke deti jati hai taskin shab-e-firaq
wo kaun si hai raat ki jis ki sahar na ho

Bismil Azimabadi

---

---