KHizan jab tak chali jati nahin hai
chaman walon ko nind aati nahin hai

Bismil Azimabadi

---

---

allah tere hath hai ab aabru-e-shauq
dam ghuT raha hai waqt ki raftar dekh ka

Bismil Azimabadi

---

---

ek ghalat sajde se kya hota hai waiz kuchh na puchh
umr bhar ki sab riyazat KHak mein mil jae hai

Bismil Azimabadi

---

---

ho na mayus KHuda se 'bismil'
ye bure din bhi guzar jaenge

Bismil Azimabadi

---

---

hansi 'bismil' ki haalat par kisi ko
kabhi aati thi ab aati nahin hai

Bismil Azimabadi

---

---

ghairon ne ghair jaan ke hum ko uTha diya
baiThe jahan bhi saya-e-diwar dekh ka

Bismil Azimabadi

---

---

ek din wo din the rone pe hansa karte the hum
ek ye din hain ki ab hansne pe rona aae hai

Bismil Azimabadi

---

---

dekha na tum ne aankh uTha kar bhi ek bar
guzre hazar bar tumhaari gali se hum

Bismil Azimabadi

---

---

dastan puri na hone pai
zindagi KHatm hui jati hai

Bismil Azimabadi

---

---