na bosa lene dete hain na lagte hain gale mere
abhi kam-umr hain har baat par mujh se jhijakte hain

Bhartendu Harishchandra

---

---

kisi pahlu nahin aaram aata tere aashiq ko
dil-e-muztar taDapta hai nihayat be-qarari hai

Bhartendu Harishchandra

---

---

kisi pahlu nahin chain aata hai ushshaq ko tere
taDapte hain fughan karte hain aur karwaT badalte hain

Bhartendu Harishchandra

---

---

mar gae hum par na aae tum KHabar ko ai sanam
hausla ab dil ka dil hi mein meri jaan rah gaya

Bhartendu Harishchandra

---

---

masal sach hai bashar ki qadar neamat baad hoti hai
suna hai aaj tak hum ko bahut wo yaad karte hain

Bhartendu Harishchandra

---

---

uKH-e-raushan pe us ki gesu-e-shab-gun laTakte hain
qayamat hai musafir rasta din ko bhaTakte hain

Bhartendu Harishchandra

---

---

ye kah do bas maut se ho ruKHsat kyun nahaq aai hai us ki shamat
ki dar talak wo masih-KHaslat meri ayaadat ko aa chuke hain

Bhartendu Harishchandra

---

---

ye chaar din ke tamashe hain aah duniya ke
raha jahan mein sikandar na aur na jam baqi

Bhartendu Harishchandra

---

---

kis gul ke tasawwur mein hai ai lala jigar-KHun
ye dagh kaleje pe uThana nahin achchha

Bhartendu Harishchandra

---

---