jo sunta hun sunta hun main apni KHamoshi se
jo kahti hai kahti hai mujh se meri KHamoshi

Bedam Shah Warsi

---

---

wo qulqul-e-mina mein charche meri tauba ke
aur shisha-o-saghar ki mai-KHane mein sargoshi

Bedam Shah Warsi

---

---

tum jo chaho to mere dard ka darman ho jae
warna mushkil hai ki mushkil meri aasan ho jae

Bedam Shah Warsi

---

---

taur majnun ki nigahon ke batate hain hamein
isi laila mein hai ek dusri laila dekho

Bedam Shah Warsi

---

---

sab ne ghurbat mein mujh ko chhoD diya
ek meri bekasi nahin jati

Bedam Shah Warsi

---

---

mere nashad rahne se agar tujh ko masarrat hai
to main nashad hi achchha mujhe nashad rahne de

Bedam Shah Warsi

---

---

mere dard-e-nihan ka haal mohtaj-e-bayan kyun ho
jo lafzon ka ho majmua wo meri dastan kyun ho

Bedam Shah Warsi

---

---

kashtiyan sab ki kinare pe pahunch jati hain
naKHuda jin ka nahin un ka KHuda hota hai

Bedam Shah Warsi

---

---

kahan iman kis ka kufr aur dair-o-haram kaise
tere hote hue ai jaan KHayal-e-do-jahan kyun ho

Bedam Shah Warsi

---

---