ab aadmi kuchh aur hamari nazar mein hai
jab se suna hai yar libas-e-bashar mein hai

Bedam Shah Warsi

---

---

ai junun kyun liye jata hai bayaban mein mujhe
jab tujhe aata hai ghar ko mere sahra karna

Bedam Shah Warsi

---

---

apna to ye mazhab hai kaba ho ki but-KHana
jis ja tumhein dekhenge hum sar ko jhuka denge

Bedam Shah Warsi

---

---

arhaman mujh ko banana na musalman karna
mere saqi mujhe mast-e-mai-e-irfan karna

Bedam Shah Warsi

---

---

edam ye mohabbat hai ya koi musibat hai
jab dekhiye afsurda jab dekhiye jab maghmum

Bedam Shah Warsi

---

---

dene wale tujhe dena hai to itna de de
ki mujhe shikwa-e-kotahi-e-daman ho jae

Bedam Shah Warsi

---

---

hamari zindagi to muKHtasar si ek kahani thi
bhala ho maut ka jis ne bana rakkha hai afsana

Bedam Shah Warsi

---

---

jis ki is aalam-e-surat mein hai rang-amezi
usi taswir ka KHaka to ye insan bhi hai

Bedam Shah Warsi

---

---

jo sunta hun sunta hun main apni KHamoshi se
jo kahti hai kahti hai mujh se meri KHamoshi

Bedam Shah Warsi

---

---