aagahi karb wafa sabr tamanna ehsas
mere hi sine mein utre hain ye KHanjar sare

Bashir Farooqi

---

---

ajab si aag thi jalta raha badan sara
tamam umr wo honTon pe ban ke pyas raha

Bashir Farooqi

---

---

chale bhi aao ki ye Dubta hua suraj
charagh jalne se pahle mujhe bujha dega

Bashir Farooqi

---

---

hum tere pas aa ke pareshan hain bahut
hum tujh se dur rahne ko tayyar bhi nahin

Bashir Farooqi

---

---

pahle hum ne ghar bana kar fasle paida kiye
phir uTha din aur diwaren gharon ke darmiyan

Bashir Farooqi

---

---

tazkire mein tere ek nam ko yun joD diya
doston ne mujhe shishe ki tarah toD diya

Bashir Farooqi

---

---