chand qadmon se ziyaada nahin chalne pate
jis ko dekho wahi qaidi kisi zanjir ka hai

Azlan shah

---

---

chupke se guzarte hain KHabar bhi nahin hoti
din raat bhi kam-baKHt jawani ki tarah hain

Azlan shah

---

---

eDiyan mar ke zaKHmi bhi hue log magar
koi chashma nahin zarKHez zamin se nikla

Azlan shah

---

---

haar ko jit ke imkan se bandhe hue rakh
apni mushkil kisi aasan se bandhe hue rakh

Azlan shah

---

---

haare hue logon ki kahani ki tarah hain
hum log bhi bahte hue pani ki tarah hain

Azlan shah

---

---

kaman na tir na talwar apni hoti hai
magar ye duniya ki har bar apni hoti hai

Azlan shah

---

---

kis liye is se nikalne ki duaen mangun
mujh ko malum hai manjdhaar se aage kya hai

Azlan shah

---

---

kisi ke nam pe nanhe diye jalate hue
KHuda ko bhul gae nekiyan kamate hue

Azlan shah

---

---

mujh ko pahchan tu ai waqt main wo hun jo faqat
ek ghalati ke liye arsh-e-barin se nikla

Azlan shah

---

---