na hath sukh ke jhaDte hain jism se apne
na shaKH koi samar-bar apni hoti hai

Azlan shah

---

---

tawil umr ki Dheron duaen bheji hain
mere charagh ko pani se bharne walon ne

Azlan shah

---

---

tum mohabbat ka use nam bhi de lo lekin
ye to qissa kisi haari hui taqdir ka hai

Azlan shah

---

---

tu aa gaya hai to ab yaad bhi nahin mujh ko
ye ishq mera bura haal karne wala tha

Azlan shah

---

---

tu baat nahin sunta yahi hal hai phir is ka
jhagDe ke liye waqt nikalen koi hum bhi

Azlan shah

---

---

ye KHazane ka koi sanp bana hota hai
aadmi ishq mein duniya se bura hota hai

Azlan shah

---

---