jis raat khula mujh pe wo mahtab ki surat
wo raat sitaron ki amanat hai sahar tak

Azhar Naqvi

---

---

tera hi raqs silsila-e-aks-e-KHwab hai
is ashk-e-nim-shab se shab-e-mahtab tak

Azhar Naqvi

---

---

aat bhar chand se hoti rahen teri baaten
raat khole hain sitaron ne tere raaz bahut

Azhar Naqvi

---

---

phir ret ke dariya pe koi pyasa musafir
likhta hai wahi ek kahani kai din se

Azhar Naqvi

---

---

patthar jaisi aankhon mein suraj ke KHwab lagate hain
aur phir hum is KHwab ke har manzar se bahar rahte hain

Azhar Naqvi

---

---

kinaron se juda hota nahin tughyaniyon ka dukh
nai maujon mein rahta hai purane paniyon ka dukh

Azhar Naqvi

---

---

KHwab muTThi mein liye phirte hain sahra sahra
hum wahi log hain jo dhup ke par kaTte hain

Azhar Naqvi

---

---

KHauf aisa hai ki hum band makanon mein bhi
sone walon ki hifazat ke liye jagte hain

Azhar Naqvi

---

---

kal shajar ki guftugu sunte the aur hairat mein the
ab parinde bolte hain aur shajar KHamosh hain

Azhar Naqvi

---

---