ab to mujh ko bhi nahin milti meri koi KHabar
kitna gumnam hua hun main numayan ho ka

Azhar Naqvi

---

---

jami hai gard aankhon mein kai gumnam barson ki
mere andar na jaane kaun buDha shaKHs rahta hai

Azhar Naqvi

---

---

ek main ki ek gham ka taqaza na kar saka
ek wo ki us ne mang liye apne KHwab tak

Azhar Naqvi

---

---

ek ek sans mein sadiyon ka safar kaTte hain
KHauf ke shahr mein rahte hain so Dar kaTte hain

Azhar Naqvi

---

---

ek hangama sa yaadon ka hai dil mein 'azhar'
kitna aabaad hua shahr ye viran ho ka

Azhar Naqvi

---

---

dukh safar ka hai ki apnon se bichhaD jaane ka gham
kya sabab hai waqt-e-ruKHsat ham-safar KHamosh hain

Azhar Naqvi

---

---

dil kuchh der machalta hai phir yaadon mein yun kho jata hai
jaise koi ziddi bachcha rote rote so jata hai

Azhar Naqvi

---

---

ajab nahin ki bichhaDne ka faisla kar le
agar ye dil hai to nadan ho bhi sakta hai

Azhar Naqvi

---

---

ajab hairat hai akasr dekhta hai mere chehre ko
ye kis na-ashna ka aaine mein aks rahta hai

Azhar Naqvi

---

---