ashk palkon pe bichhaD kar apni qimat kho gaya
ye sitara qimti tha jab talak TuTa na tha

Ateeq Anzar

---

---

ichhaDte waqt ana darmiyan thi warna
manana donon ne ek dusre ko chaha tha

Ateeq Anzar

---

---

dur mujh se rahte hain sare gham zamane ke
teri yaad ki KHushbu dil mein jab Thaharti hai

Ateeq Anzar

---

---

ganw ke parinde tum ko kya pata bideson mein
raat hum akelon ki kis tarah guzarti hai

Ateeq Anzar

---

---

gham ki band muTThi mein ret sa mera jiwan
jab zara kasi muTThi zindagi bikharti hai

Ateeq Anzar

---

---

ek us ki zat se jab mera e'tibar uTha
to phir kisi pe bhi aaya na e'tibar mujhe

Ateeq Anzar

---

---

kahin bujhti hai dil ki pyas ek do ghunT se 'anzar'
main suraj hun mere hisse mein dariya likh diya jae

Ateeq Anzar

---

---

kisi ne bheja hai KHat pyar aur wafa likh kar
qalam se kaam diya hai mujhe KHuda likh ka

Ateeq Anzar

---

---

main tum se tark-e-ta'alluq ki baat kyun sochun
juda na jismon se 'anzar' kabhi bhi sae hue

Ateeq Anzar

---

---