sham ke dhundlakon mein Dubta hai yun suraj
jaise aarzu koi mere dil mein marti hai

Ateeq Anzar

---

---

teri shoKH aankhon mein barha kai KHwab dekhe hain pyar ke
tera pyar mera nasib hai kisi aur ko ye wafa na de

Ateeq Anzar

---

---

teri zulfon ke sae mein agar ji lun main pal-do-pal
na ho phir gham jo mere nam sahra likh diya jae

Ateeq Anzar

---

---

tujh se mil kar bhi udasi nahin jati dil ki
tu nahin aur koi meri kami ho jaise

Ateeq Anzar

---

---

use dekhne ki thi aarzu mujhe us ki thi baDi justuju
magar us ke aariz-e-naz pe meri har nigah phisal gai

Ateeq Anzar

---

---

wo ghazal ki kitab hai pyare
us ko paDhna sawab hai pyare

Ateeq Anzar

---

---