aansu tumhaari aankh mein aae to uTh gae
hum jab karam ki tab na lae to uTh gae

Ataur Rahman Jameel

---

---

aane wali aa nahin chukti jaane wali ja bhi chuki
waise to har jaane wali raat thi aane wali raat

Ataur Rahman Jameel

---

---

dil par barf ki sil rakh dena nagan ban kar Das lena
apne liye donon hi barabar kali ho ki ujali raat

Ataur Rahman Jameel

---

---

kuchh KHwab kuchh KHayal mein mastur ho gae
tum kya qarib nikle ki sab dur ho gae

Ataur Rahman Jameel

---

---

tumhaari bazm se jab bhi uThe to haal-zada
kabhi jawab ke mare kabhi sawal-zada

Ataur Rahman Jameel

---

---

un ko bhi 'jamil' apne muqaddar se gila hai
wo log jo sunte the ki chaalak bahut hain

Ataur Rahman Jameel

---

---

ye duniya hai yahan har aabgina TuT jata hai
kahin chhupte phiro aaKHir zamana DhunDh hi lega

Ataur Rahman Jameel

---

---