ai chaaragaro pas tumhaare na milegi
bimar-e-mohabbat ki dawa aur hi kuchh hai

Asghar Velori

---

---

duniya se KHatm ho gaya insan ka wajud
rahna paDa hai hum ko darindon ke darmiyan

Asghar Velori

---

---

jitna rona tha ro chuke aadam
aur roega aadmi kab tak

Asghar Velori

---

---

khilna har ek phul ka 'asghar' hai moajaza
murjhati hai kali bhi bahaaron ke darmiyan

Asghar Velori

---

---

log achchhon ko bhi kis dil se bura kahte hain
hum ko kahne mein buron ko bhi bura lagta hai

Asghar Velori

---

---

mujh ko gham ka na kabhi dard ka ehsas raha
har KHushi pas thi jab tak tu mere pas raha

Asghar Velori

---

---

paDhte the kitabon mein qayamat ka saman
nepal mein kuchh is ka namuna dekha

Asghar Velori

---

---

aushni jab se mujhe chhoD gai
shama roti hai sirhane mere

Asghar Velori

---

---

shikar apni ana ka hai aaj ka insan
jise bhi dekhiye tanha dikhai deta hai

Asghar Velori

---

---